Nagballaag ti Mines and Geosciences Bureau (MGB) iti possible a panaglayos ken panagregaay kadagiti 8,164 a barangays iti nagduduma a rehion iti Pilipinas gapu iti pangta ti bagyo nga Uwan.
Gapu iti dayta, nagballaag ni Mines and Geosciences Bureau Lands Geological Survey Division chief Dr. Karlo L. Queaño, dagitoy ket possible a mapasaran kadagiti maseknan a barangays raso a kasapulan nga agtalinaed nga alerto para iti possible a panaglayos ken panagregaay.
Sigun kenkuana, dagus nga ireport kadakuada no adda dagiti maimatangan nga aniaman a senyales ti panaggaraw ti daga, panagngato ti danum kadagiti baybay ken dadduma pay tapno dagus a masukimat dagitoy.
Nagpalagip metlaeng daytoy kadagiti umili a naapektaran iti typhoon Tino gaputa possible a linmukneng dagiti daga gapu iti panagtudona idi napalpalabas nga aldaw.
Dagitoy ket pakairamanan ti Maasin, Southern Leyte; Tayabas, Alabat, ken Infanta, Quezon; Juban, Sorsogon; Mactan, Cebu; Rojas City, Capiz; Puerto Princesa ken Cuyo sadiay Palawan; kasta metten ti Surigao City sadiay Surigao del Norte.
