Nangrugi ita nga aldaw ti silebrasion dagiti kakabsat a Muslim iti panagleppas ti Ramadan.
Iti pannakiuman ti Bombo Radyo kenni Sham Sodin Monib, Presidente ti Baguio-Benguet Muslim Association, kinunana a naangay ti panagayunarda idiay Baguio Athletic Bowl iti agsapa ti Lunes, March 31, 2025.
Sigun kenni Monib, immadu ita a tawen ti bilang dagiti muslim a nakipaset iti panagselebrar iti panagleppas ti Ramadan no idilig idi napalabas a tawen.
Sigun kenkuana nga iti agdama, nalaus ti naragsak a marikrikna dagiti Muslim nangruna ket mabalin dan a mangan kadagiti naiparit a taraon kabayatan ti Ramadan.
Malaksid iti dayta, naragsak dagitoy gapu iti panangiasidegda iti bagida kenni Allah no sadino, ibilbilangda a maysa daytoy a kapintasan a balonda.
Sigun kenni Monib, napateg ti panagleppas ti Ramadan para kadagiti Muslim agsipudta ditoy nga ipatungpalda dagiti naisuro kadakuada, kasta met ti panagtungpalda kadagiti maiparbeng nga aramidenda kas iti panagsakripisyo iti oras, pannakikaykaysa kadagiti dadduma a tao ken dadduma pay a napintas nga aramid.
Sigun pay kenkuana apaman nga agleppas ti Raramadan, agsilibrar dagiti nagduduma a pamilya kas iti panagturong kadagiti nagduduma a pasyalan, panagsagana iti bukodda a pagtaengan ken dadduma pay.
Kabayatanna, kangrunaan a kiddaw dagitoy kenni Allah ti linak ken kapia para kadagiti magduduma a parikot iti sangalubungan.
Inpanamnama met ti nasao nga opisial a makikaykaysa dagitoy iti panagkararag para iti linak iti umadani nga eleksion.//mp4
