BAGUIO CITY – Ikamkampanya ti Department of Trade and Industry (DTI) ti panagmula ti cacao sadiay Benguet tapno ad-adda nga umado ti produksyon daytoy.
Sigun kenni DTI – Baguio-Benguet Provincial Director Freda Gawisan, dakkel ti potensyal ti cacao iti merkado nangruna iti international market a maysa a kangrunaan a ramen iti panangaramid ti tsokolate wenno tablea.
Kinunana a mangisaysayangkatda iti cacao processing para iti produksyon ti local chocolates ken finish products manipud iti nasao a mula.
Innayonna a babaen iti daytoy ket masuruan dagiti trainees no kasano nga agmula, mangpataud ken agapit ti cacao.
Napili met ti munisipyo ti Itogon a pakaisayangkatan ti cacao processing training gaputa adun ti nagmulmula sadiay ngem awan pay naar-aramid a produkto.
Isuro damet daytoy iti dadduma a lugar ti Benguet para kadagiti grupo ti cacao growers.
