Inwaragawag ni Department of Energy (DOE) Secretary Sharon Garin idi kalman ti panagsangpet ti addu a suplay ti diesel manipud Malaysia a ginatang ti gobyerno babaen iti Philippine National Oil Company- Exploration Corporation (PNOC EC).
Sigun kenni Garin, ti nasao a shipment ket pakabuklan iti 329,000 a bariles wenno agarup 52 milyon a litro ti diesel tapno adadda a mamintinir ti reserba ti pagilian iti nasao a produkti iti baet ti panagngato ti presyo ti petrolyo iti world market.
Sigun iti datos ti nasao nga ahensiya, ti nasao a suplay ket makatulong tapno mapagtalinaed ti stable nga imbentaryo ti krudo iti sumarsaruno a lawas nangnangruna ta ngimato iti agarup P2.50 tunggal litro ti presyo ti diesel iti lokal a merkado idi napalabas a lawas.
Ti nasao nga addang ket paset iti emergency procurement strategy ti gobyerno tapno malilklikan ti posible a kinakurang ti suplay ken mapalag-an ti epekto ti krisis iti sektor ti transportasyon ken industriya.
Innayon pay ni Garin a mannarimaan ti pannakikoordinarda kadagiti dadduma pay a a pagilian iti Southeast Asia para iti posible a kanayunan nga impormasyon, kabayatan iti panagtultuloy ti monitoringda iti sitwasyon idiay Middle East. //bombokaren.c.s
