Napilaan iti kaso nga alleged mischief, unjust vexation, oral defamation wenno slander ken grave threat ti agama gapu iti panangialisda iti flowerpots ti biktima a kaarubada ken panangiparadada iti luganda iti nakaipwestoan dagiti flowerpots.
Dagiti suspect ket agpada nga addan iti legal a tawen ken agnanaed sadiay Pico, La Trinidad bayat a ti biktima ket maysa a babae nga agtawen iti 48 ken residente iti kapada metlaeng a barangay.
Maibasar iti blotter, inyalis wenno innikat ti ama a suspek ti flowerpots a naka display iti paraangan a masakupan ti daga ti biktima a karruba dagitoy gapu ta sigun kenkuana, saan makaay-ayo dagiti flowerpots a nakadisplay sadiay.
Kalpasan dayta, imparada ti suspek ti lugan daytoy iti masakupan ti paraangan ti biktima.
Kasaruno dayta, kinompronta ti biktima ti suspect.
Nupay kasta, intuloy latta ti suspect ti panangikkatna kadagiti flowerpots ti biktima bayat ti panangisawangna kadagiti dakes a sarita.
Kalpasan ti nasao nga insidente, insubli ti biktima ti mula daytoy a sabong iti sigud a nangikabilanna ngem nagsubli manen ti suspek a kadwana ti anak daytoy ken inikkatda a dua dagiti flowerpots ti biktima ken pinagtulungan dagitoy a kaapaen ti biktima.
Maibasar pay iti report ti pulisya, imparuar dagiti suspek ti cellphones dagitoy ken inalaanda iti picture ken video ti biktima bayat a pagsasaoanda daytoy iti saan nga umno a pannarita.
Agparparang pay a nagpangta dagiti suspek iti biktima kalpasan a dinadaelda dagiti sumagmamano a flower pots daytoy.//Bombo Genzel Depayso
