Makidkidaw ti panagtitinulong ti tunggal maysa maipapan iti panangiliklik kadagiti ubbing nga agusar ti vape wenno kadagiti electronic cigarettes.
Daytoy ket pakairamanan dagiti nagannak, dagiti pagdalan kasta met dagiti nagduduma a kaskenan nga ahensiya tapno maliklikan ti saan a nasayaat nga epekto daytoy iti salun-at dagiti ubbing.
Iti panakiuman ti Bombo Radyo kenni Atty. Ron Perez, PTA Regional Federation President, kinuna a rumbeng a maingetan ti panakaimplementar ti anti-smoke task force agsipud ta ado dagiti ubbing nga agus-usar iti daytoy nangruna ket nalaka ti panakagatang daytoy.
Sigun kenni Perez, adda a makaawis dagiti vape gapu ta addaan daytoy ti nagduduma a flavor a pakairamanan ti blueberry cheescake, bubblegum, unicron ken daduma pay.
Kabayatanna, maipatpatungpal ti panagkapkap kadagiti estudyante kadagiti daduma a pagadalan tapno saan a makastek dagiti kontrabando wenno vape iti uneg ti eskwelaan.
No pay kasta, agbalbalin a pakaseknan no kasano a mabigbig dagiti vape gapu ta kasla dagitoy a USB.//M
