--Ads--
BAGUIO City – Tarigagay ti lima a dadakkel a korporasyon nga imaton ti multi-million a Benguet Agri-Pinoy Trading Center (BAPTC) para iti potensiyal a panagbalin daytoy a kadakellan a trading facilty iti norte.
Nupay kasta, kinuna ni BAPTC operations manager Dr. Violeta Salda nga awan pay ti panggepda a mangawat kadagiti singasing dagiti lima a korporasyon.
Sigun kenkuana, nasken nga agtaripnong dagiti mannalon tapno maipaima kadagitoy ti panangimaton iti BAPTC, saan a dagiti korporasyon.
Maipalagip nga impasdek ti gobyerno ti BAPTC tapno makatulong kadagiti mannalon.
