BAGUIO CITY – Agtultuloy a marikrikna dagiti drivers ken operators ditoy lokalidad iti epekto ti agbaliw baliw a presyo ti produkto a petrolyo ken iti agdama a pandemya
Iti interview ti Bombo Radyo Baguio ken Wilson Bumay-et, myembro ti maysa a Transport Group Sector ditoy syudad, kinunana a dakkel iti panagyaman ken gin awa kadakuada ti panagbaba ti presyo ti produkto a petrolyo idi kalman
Nupay kasta, impettengna a kurang latta dagiti mapamastrekan dagiti drivers gapu ta nangato latta ti presyo ti gasolina
Malaksid iti dayta, imbinsana nga addan dagiti nagsardeng nga agbyahe kadagiti kakadwada a drivers gapu iti kinaawan dagiti pasaheros dagitoy wenno kinakapsot ti byahe ken kinabassit ti koleksyon ken birukda iti tunggal aldaw
Gapu iti dayta, namingsan manen nga impeksana iti namnamada a maaprobaran ti nabayag a kiddawda a pannakaipangato ti pamasahe partikular iti 12 pesos a plete iti tunggal umuna nga 4 a kilometro a byahe
Kabayatanna, imbinglayna a napalagipan dagitoy seknan kadagiti pagalagadan iti kalsada nangruna iti pannakaiparehistro kadagiti lugan iti Land Transportation and Regulatory Board (LTFRB)
Inaklonna nga agingga iti agdama ket adu paylaeng dagiti saan a rehistrado a lugan gapu iti kinakurang iti information desimination seknan iti kinapateg ti registration.
