Kinomendaran ti Department of Budget and Management (DBM), Department of the Interior and Local Government (DILG), ken ti Department of the Interior and Local Government-Cordillera ti balligi a panakairaman ti lokal a gobyerno ti Baguio City iti Open Government Partnership (OGP) Local Program.
Iti nasao a programa, karaman iti selection criteria ti komitment ti siudad iti transparency,political support, ken track record kadagiti open government reforms.
Malaksid iti Baguio City, karaman metlaeng dagiti daduma pay a siudad kadagiti nagduduma a pagilian pakairamanan ti Athens, Greece; Lisbon, Portugal; Navara, Spain; ken ti New York City, USA.
Kabayatanna, pakabuklan metten nga innem a lokal a gobyerno iti Pilipinas ti karaman iti Open Government Partnership (OGP)pakairamanan ti Baguio City, Tagbilaran, Larena, Quezon City, ken ti Borongan, Samar.
Ti Pilipinas ti maysa kadagiti walo a pagilian a nangbukel iti nasao a programa pakairamanan ti Brazil, Indonesia, Mexico, Norway, South Africa, ti United Kingdom, ken ti United States.
Ti Open Government Partnership (OGP) ket maysa a multilateral organization dagiti reformers iti sangalubungan.
