--Ads--
BAGUIO CITY – Inlawlawag manen ni Sablan, Benguet Mayor Manuel Munar ti panagsingirda iti P100 para iti Medical Clearance dagiti residente sadiay.
Iti interview ti Bombo Radyo Baguio, inlawlawagna nga agserbi a kanayunan a pondo ti munisipyo ti maur-or a bayad dagiti maipaay a medical clearance.
Kinunan a kangrunaan a paka-aramatan ti pondo ti sektor ti salun-at sadiay.
Naamuan a naidanon kenkuana ti reklamo iti social media mainaig iti panagsingirda iti P100 a babayadan para iti nasao a dokumento.
Gapu iti dayta, nagkiddaw ni Mayor Munar iti dispensar ken panaka-awat manipod kadagiti umili ti Sablan, Benguet seknan iti nasao a banag.
