Agbalbalin a karit iti Public Order and Safety Division (POSD) iti siudad ti Baguio no kasanoda a matiliw dagiti agilaklako ken agar-aramat kadagiti vape nga addaan ti marijuana flavor.
Iti interview ti Bombo Radyo kenni Daryll Kim Longid, Chief ti Public Order and Safety Division, kinuna nga narigat a matiliw dagiti indibidual nga agus-usar iti vape nga addaan ti marijuana flavor nangruna ket “secretive-da.”
Sigun kenni Longid, kasapulan ti panakikoordinar iti Philippine Drug Enforcement Agency (PDEA) gapu ta dagitoy ti makin-ammo ti maipapan kadagiti nagduduma a klasen ti droga.
No pay kasta, kasapulanda a mangipaay ti konkreto nga ebidensiya iti nasao nga ahensya sakbay daytoy a maikkan iti umno nga solusyon.
Innayon ni Longid a rumbeng met laeng ti panakaadda ti task force iti intelligence wenno intel tapno mas nalaklaka a marisut ti nasao a parikut.//Bombo Mera Pacpacan
