--Ads--
Imbilin ti baro a Department of Public Works Secretary a ni Vince Dizon ti panangisumitir iti courtesy resignation dagiti amin nga opisyales iti Department of Public Works and Highways (DPWH) manipud iti kangatuan a rangko agingga kadagiti district engineers.
Daytoy ket paset ti direktiba ni President Ferdinand “Bongbong” Marcos Jr. kagiddan iti isyu kadagiti naanomalyaan a flood control projects.
Kinunana a panangdalus daytoy iti nasao nga opisina kalpasan ti panangreviewda kadagiti amin a personnel dagitoy.
Inkarina met ti accountability para kadagiti naanomalyaan a “ghost projects”.
Maipalagip a daytoy ti naisukat iti takem kalpasan ti panaglosulos ni sigud a Department of Public Works Secretary Manuel Bonoan.
