Inyunay-unay ti City Health Services Office (CHSO) kadagiti nagannak ken kadagiti mannursuro a protektaranda dagiti annak dagitoy manipud iti kadagiti cold weather diseases nangruna iti a nalam-ek ti klima.
Daytoy ket kasaruno ti panagngato manen ti Influenza-like Illnesses (ILI) ita a christmas season.
Kaaduan met kadagiti nairekord dagitoy ket dagiti maladaga ken ubbing nga agtawen iti masya agingga sangapulo bayat a dadduma kadagitoy ket agtawen iti sangapulo ket maysa agingga tallo pulo.
Ti sintomas ti nasao a sakit ket panagpanateng, panaguyek, nasakit a karabukod, panagsakit ti bagi ket panagsakit ti ulo.
Gapu iti dayta,maiyunay-unay a sursuruen ti Personal Hygiene kas iti panagugas iti ima,panagdalus kadagiti aglawlaw, ken dadduma pay.
Malaksid iti dayta, agaramat kadagiti face masks, liklikan nga agturong kadagiti addaan iti adu nga indibidual, agaramat kadagiti jackets ken pajama no nalam-ek ken kanayon met nga uminom iti danum.
