BAGUIO CITY – Positibo latta ti Department of Trade and Industry (DTI) – Cordillera nga in-inot a dumur-as ti business sector iti entero a rehiyon iti baet ti panakaipasidong manen ti Cordillera iti General Community Quarantine (GCQ) agingga inton February 28.
Sigun kenni DTI-Cordillera Regional Director Myrna Pablo, dakkel ti pukaw wenno lugi iti business sector manipud nangrugi ti COVID-19 pandemic.
Maipalagip nga adu ken nagduduma nga establishimento ti naiparikep iti nagduduma a paset ti rehiyon kabayatan ti pandemya.
Maibasar met iti datus ti DTI-Cordillera idi napalabas a bulan, 45% kdagiti business establishment iti rehiyon ti partially operational bayat a 50% ti fully operational ken 5% ti agtaltalinaed a nakarikep.
Impannakkelna a kabayatan ti pandemya ket nangisayangkat ti DTI-Cordillera iti seminars ken webinars kadagiti nagduduma a negosyante iti rehiyon para iti panangilako dagitoy kadagiti produktoda babaen iti online.
Innayon pay ni Pablo nga adda ti rinugianda a rinugyanda ti Youth Entrepreneurship Program a mangtulong kadagiti 15 nga agtutubo a napili para iti programa nga addaan iti negosyo.
