Makidkiddaw iti publiko nangruna dagiti residente ken turista nga agturong iti munisipyo ti La Trinidad ti anus ken pannakaawat dagitoy nangruna ket mapaspasaran latta ti nailet a gunay ti trapiko.
Iti panakiuman ti Bombo Radyo kenni La Trinidad Mayor Roderick Awingan, kiddawna ti kooperasyon ti tumunggal maysa agsipud ta saan a maliklikan ti nailet a gunay ti trapiko sadiay nangruna ket manarimaan ti road reblocking sadiay Km 5 agingga Km 6.
Kabayatanna, impakaammo ni Mayor Awingan a manarimaan metten ti panangitarimaan dagiti otoridad ken dagiti negosyante dagiti stalls dagitoy sadiay Wangal para iti manarimaan nga Adivay festival.
Sigun kenkuana, agresume dagiti aktibidad sadiay kalpasan a maisingpa dagiti nadadael bayat ti bagyo nga Uwan.
Gapu iti dayta, nagpalagip manen daytoy kadagiti turista nga agpasyar bayat ti nasao a festival.
