Imbilinen ti Office of the Ombudsman ti pannakaikkat iti serbisyo ni suspended Bamban Mayor Alice Guo gapu iti kaso daytoy a grave misconduct.
Malaksid iti daytoy, inikkat ti Ombudsman dagiti amin a retirement benefits ni Guo ken saanen a mabalin daytoy a tumaray iti aniaman a posisyon.
Sigun iti Ombudsman, ti pannakairaman ni Guo iti na-raid a Philippine Offshore Gaming Operator (POGO) hub idiay Tarlac ket mangipakpakita a nilabsingna ti linteg.
Maipalagip a nangipila iti reklamo ti Department of the Interior and Local Government (DILG) kontra kenni Guo ken kadagiti dadduma a local officials gapu iti maatap a grave misconduct, serious dishonesty, gross neglect of duty, ken conduct prejudicial to the best interest of the service.
Iti agdama ket awan pay ti komento ti kampo ni Guo mainaig iti daytoy.
