--Ads--
Ngumato iti P100 ti bayadan ti tunggal pamilia para iti Garbage Fee iti siudad ti Baguio.
Maipatungpal daytoy iti kanito a pormal a maaprobaran ti signatory ordinance.
Iti pannakiuman iti Bombo Radyo kenni Baguio City Councilor Rocky Aliping, kinunana a nalpas ti first reading ken mai-uman iti maseknan a komitee ti maisaksakad a gakat.
Impetteng ti nasao nga opisial a maituloy ti nasao a gakat iti baet nga adda ti baro a set dagiti councilors.
Inlawlawag ti nasao nga opisial a 50 ti alaen ti siudad ken 50 ti alaen ti Barangay.
Agabayad dagiti residente iti garbage fee iti Barangay wenno City Hall.
Kabayatanna, manamnama a manayunan dagiti utility workers iti siudad a tumulong iti pannakaimanehar dagiti basura iti siudad ti Baguio.//mp4
