Saan a pinasingkedan wenno inlibak ti Philippine National Police ti kinuna ni Senador Rodante Marcoleta a nakaawat iti impormasyon maipapan iti maipagarup nga arrest warrant kontra kenkuana.
Sigun kenni PNP PIO Chief PCol. Allen Rae, saan a pasingkedan wenno ilibak ti Philippine National Police ti kaadda dagiti warrant a naipaulog kontra iti asinoman nga espesipiko nga indibidual.
Impettengna a ti pannakaipaulog dagiti warrant ket sakup ti exclusive jurisdiction ti korte, ken saan nga umiso nga ibutaktak iti publiko.
Innayon ti opisial a ti maipasiguradoda iti publiko ket ti kanayon a panangimplementar ken mangipatungpal ti PNP iti aniaman a warrant nga impaulog ti korte.
Daytoy ket babaen kadagiti umno a legal channels ken maitunos iti linteg.
Maipalagip nga immuna a kinuna ni Senator Marcoleta a saan a lumaban ken isukona ti bukodna a bagi kadagiti otoridad iti kanito nga adda ti maipaulog nga arrest warrant kontra kenkuana.
Mainaig daytoy iti maatap a saanna a panangi-disclose iti P75 million campaign donations a naawatna manipud kenni Mike Defensor ken dua pay a negosiante bayat ti panagkampaniana kas senador idi 2025.
