--Ads--
Nakafull alert itan ti amin a unit ti Philippine National Police (PNP) iti entiro a pagilian gapu iti manamnama nga adu a tao nga agbisita ken agbyahe kabayatan iti Undas 2026.
Sigun kenni PNP Deputy Chief for Administration Lieutenant General Wilson Lopez, agarup 141,000 personnel manipud iti PNP ken augmentation forces ti naideploy para iti Undas ita a tawen.
Kaaduan kadagitoy ket nadutokan nga agbantay kadagiti priority areas pakairamanan dagiti sementeryo, kangrunaan a kalsada, ken terminals.
Nagballakad met ti nasao nga opisyal iti publiko nga adadda nga agbalinda a naridam, naannad, alerto, ken agtulnogda kadagiti linteg ken direktiba nga ipaulog dagiti otoridad tapno masigurado ti naannayas a panangobserbar iti undas.
