Maisaksakad ita ti gakat a mangisingsingasing iti panangipaay iti hazard pay, kanayunan a sueldo, ken dadduma pay a benepisyo kadagiti empleyado iti siudad iti Baguio.
Sigun kenni City Councilor Leandro Yangot Jr., saklawen ti nasao nga ordinansa dagiti city paid workers iti siudad kas iti permanente, temporaryo, casual, job order ken kontraktual a posision a nangipaay iti nasurok maysa a tawen ken agtultuloy a serbisio iti gobierno.
Karaman iti proposal dagiti garbage collectors, street sweepers, police auxiliaries, disaster response personnel, public order and safety personnel, traffic aides, parking collectors, construction and maintenance workers, heavy equipment operators, sewage ken wastewater personnel, park ken roadside workers, logging workers, veterinary personnel, drivers ken health workers.
Sigun kenni Jordan Habbiling, Information Officer ti Baguio City Council, panggep ti nasao a proposal a maprotektaran dagiti empleyado ken maipaay kadakauda ti patas a sueldo a maibasar iti prinsipyo iti patas a panangtrato kadagiti lallaki ken babbai kadagiti bukodda a trabaho.| Bombo Khey Reparip
