Ad-adalen ti gobierno ti pagilian a Pilipinas ti posibilidad ti pannakaipila ti maika-dua nga arbitration case gapu iti agtultuloy a presensiya ti Chinese assets iti West Philippine Sea.
Posible a maipatungpal daytoy, dekada en ti napalabas kalpasan a nangabak ti Pilipinas kontra iti China seknan iti mapagsusupiatan a West Philippine Sea.
Sigun kenni maritime expert Jay Batongbacal, maad-adal paylaeng ti nasao nga addang ken impettengna nga ammo dagiti maseknan nga ahensiya dagiti wagas tapno maiturong iti maysa a tribunal.
Inyunay-unay ni Batongbacal a no maituloy ti international case, nasaysayaat a siguraduen a mangabak iti kaso.
Daytoy ti kinuna ti nasao nga opisial, kalpasan a naduktalan ti Chinese floating platform, buoy ken antenna iti Bajo de Masinloc.
Kabayatanna, kinuna ni Rear Admiral Jay Tarriela, Philippine Coast Guard spokesperson iti WPS nga adda paylaeng ti dua a Chinese research vessels iti masakupan ti Bajo de Masinloc wenno Scarborough Shoal.
