MOUNTAIN PROVINCE- Agtultuloy latta ti pannakaisayangkat ti manerwap maysa a rain-calling ritual dagiti umili idiay Bontoc, Mt Province iti panawen ti tikag tapno makiddaw ti panagtudo.
Iti interview ti Bombo Radyo kenni Honarable Jerome Chagsen Tudlong Jr. ti Municipal Mayor ti Bontoc Mountain Province, kinuna nga nabayagen a saan a nagtudtudo sadiay isu’t gapuna nga agtultuloy latta ti traditional practice dagitoy.
Paset ti ritwal a “Manerwap” ti panangdanun kadagiti sagrado a bantay, panagkararag kenni Lumawig, panangidaton ti arak ken tabako kadagiti ancestors ken panagtukar ti gangsa.
Kabayatanna, nagbalin met a parikut dagiti sumagmamano a gardenero ken mannalon ti suplay ti danum a pangsibog kadagiti mula dagitoy.
Gapu iti daytoy, nangisayangkatda ti meeting tapno masolusyunan dagitoy a parikut.
Mainaig iti dayta, nagballaag ti nasao a mayor kadagiti bisita ken umili sadiay a nasken nga agannadda ken liklikanda ti panagpuor kdagiti basura tapno maliklikan ti uram.
Innayonna a mamulta dagiti aglabsing iti daytoy ti baboy ken dadduma pay.
Maipalagip nga itay laeng nabiit ket adda ti umili sadiay a numulta kalpasan a nagpuor dagitoy.//Bombo Rosemarie Bulsao
