--Ads--
Impakaammo ti mammanday-linteg a naitantan ti pannakaisubli ti articles of impeachment kontra kenni Vice President Sara Duterte iti House of Representatives.
Sigun kenni Batangas Representative Gerville “Jinky Bitrics” Luistro, naitantan paylaeng daytoy bayat nga ur-urayenda ti pammalawag manipud iti Senate impeachment court seknan ti nasao a banag.
Kinunana a saan daytoy nga aglablabsing iti impeachment court ngem ketdi ur-urayenda laeng ti pammalawag seknan iti surat a nagwaras iti social media a ti pannakairepresenter ti articles ket “rendered moot”.
Impetteng metlaeng a depende iti Office of the Secretary General no awatenda ti nasao nga articles of impeachment.
