--Ads--
BAGUIO CITY – Impanamnama dagiti maseknan nga opisyal nga imbestigaranda ti maatap a substandard a pannakaibangon dagiti dadduma a pagadalan iti siyudad ti Baguio.
Kasaruno daytoy ti panangsukimat da DepEd Undersecretary Allain Pascua ken Baguio City Mayor Benjamin Magalong kadagiti naibangon a pagadalan ditoy lokalidad.
Iti nasao a panagsukimat, dinillaw dagiti opisyal ti agparparang a saan a natibker a panakaibangon dagiti pasdek.
Immunan a kinuna ni Usec. Pascua a nakaawatda iti reklamo kontra iti DPWH ken dadduma a kontraktor seknan iti maatap a substandard a proyekto dagitoy.
Nagballaag ti opisyal a mapilaan iti kaskenan a kaso dagiti responsable iti daytoy.
