--Ads--
Nagballaag ti Presidential Anti-Organized Crime Commission (PAOCC) maipapan kadagiti indibidual nga agpammarang nga opisial dagitoy iti nasao nga ahensia.
Kinuna ti nasao nga ahensia agar-aramid dagiti indibidual iti iligal nga aktibidad bayat nga agpammarang iti panagbalinda nga opisial ti PAOCC.
Karaman kadagiti iligal nga ar-aramiden dagitoy ket ti extortion ken ‘hulidap’ schemes.”
Impakita pay ti nasao nga ahensia dagiti ladawan dagiti indibidual a mapapati a mangibagbagi kas opisial ti nasao nga ahensia.
Gapu iti dayta, guyguyuguyen ti nasao nga ahensia ti publiko nga ireport ti aniaman nga insidente kadakuada ken tumawagda iti numero a 0917-130-0792.
