--Ads--
BAGUIO CITY- Iti baet ti ibagbaga ti Bureau of Customs nga naballigi nga operasyonda kontra iti smuggling kadagiti nateng, ipetpetteng met dagiti stakeholders ti vegetable industry nga agtultuloy latta ti iligal a panakaisangpet dagiti natnateng manipud china.
Daytoy nga smuggling ti mangpakpakapuy iti mapaspastrekan dagiti mannalon ken mangpatpatay iti industriya ti agrikultura iti pagilian.
Adda dagiti maseknan nga opisyal nga agtigtignay iti daytoy a banag, ngem agparparang nga adu pay ti rumbeng a maaramid.
Kabaelan ngata ti gobyerno a paksiyaten ti sindikato nga adda iti likudan daytoy?
Ken seryoso ngata ti gobyerno nga a mang-aksiyon iti smuggling?
