Maika-75 a kabibilgan ti pasaporte iti Pilipinas iti sangalubungan, a bimmaba iti 2 a puesto manipod iti maika-73 a puestona idi 2024, sigun iti Henley Global Passport Index.
Ti listaan ket nakabasar iti pakabuklan a bilang dagiti destinasion a mabalin a sarungkaran ti maysa nga agtagikua nga awan ti visa.
Tunggal destinasion nga awanan iti visa ket katupag ti puntos a 1, maibatay iti report nga agus-usar iti datos manipud iti International Air Transport Association (IATA).
Ti Pilipinas ket adda iti maika-78 idi 2023, maika-80 idi 2022, maika-77 idi 2021, ken maika-74 idi 2020.
Naala manen ti Singapore ti kangatuan a puesto iti listaan, ta mapalubosan itan dagiti umili a sumarungkar iti 195 a pagilian nga awanan iti visa, pakairamanan ti Japan, France, Italy, Germany, ken Spain idi 2024.
Ti Japan ti maikadua a lugar nu sadinno, dagiti “citizens: ket mabalin nga agbiahe iti 193 a pagilian nga awan ti visa.
Ti maikatlo ket ti Finland, France, Germany, Italy, South Korea, ken Spain, nga addaan ti iskor a 192.
Maikauppat met ti Austria, Denmark, Ireland, Luxembourg, Netherlands, Norway, ken Sweden, bayat a ti Belgium, New Zealand, Portugal, Switzerland ken ti United Kingdom ti maika-lima iti puesto.
Nagtalinaed ti Afghanistan iti kababaaan a puesto wenno “least powerful passport” iti lubong nga addaan ti iskor a 26.
Kabayatanna, adtoy dagiti 10 a kabibilgan a pasaporte iti Pilipinas, sigun iti Henly Global Passport Index.
1.Singapore (visa-free score 195)
2.Japan (193)
3.Finland, France, Germany, Italy, South Korea, Spain (192)
4.Austria, Denmark, Ireland, Luxembourg, Netherlands, Norway, Sweden (191)
5.Belgium, New Zealand, Portugal, Switzerland, United Kingdom (190)
6.Australia, Greece (189)
7.Canada, Malta, Poland (188)
8.Czechia, Hungary (187)
9.Estonia, United States (186)
10.Latvia, Lithuania, Slovenia, United Arab Emirates (185)
