Namnamaen ti Department of Health (DOH) nga umado dagiti pasiente nga agturong kadagiti para-publiko nga ospital.
Kasaruno daytoy iti inwaragawag ni President Ferdinand Marcos Jr. nga awan ti mabayadan kadagiti ospital ti Department of Health.
Immuna nga inwaragawag ni Health Secretary Teodoro Herbosa a maisagsagana dagiti hospital beds kadagiti para-publiko nga ospital.
Inlawlawag ti nasao nga ospital a mabalin a kiddawenda ti tulong dagiti pribado nga ospital, iti kanito a mapunno dagiti para-publiko nga ospital.
Bayadan metlaeng ti PhilHealth dagiti hospital bills iti pribado nga ospital a nangituronganda kadagiti dadduma a pasitiente.
Nupay kasta, inyunay-unay ni Herbosa nga adda dagiti gundaway a kasapulan a makigedwa dagiti pasiente iti bill, nangruna no na-confine dagitoy iti specialty hospitals a kukua ti gobierno ken kontrolado ti korporasion.
