--Ads--
Nabigbig ti dua a dignitaries iti panagtultuloy iti 17th Begnas di Bauko Festival idi Marso 10 idiay Municipal Grounds iti Abatan.
Babaen iti Resolution No. 2023-053 iti Bauko Sangguniang Bayan, nainaganan ni PNP Chief General Rodolfo S. Azurin Jr. kas “Pingos” a naggapo iti respetado a panglakayen iti Guinzadan Tribe.
Nainaganan met ni Senador Francis Tolentino kas “Geyokyokan” kas iti maudi a lider iti Miligan Tribe babaen iti Resolution No. 2023-052.
Inaduloan ni Bauko Mayor Randolf Awisan ti nasao a programa nga inatendaran met iti nagduduma nga opisyales iti probinsya, ken nagduduma a munisipalidad, dagiti empleyado iti nagduduma nga ahensya, ken dagiti sangaili.
