Naka-heightened alert itan ti Philippine National Police (PNP) kasaruno ti umadanin nga All Saints’ Day and All Souls’ Day no sadino agbayag daytoy agingga inton Nobyembre 3, 2025.
Gapu iti dayta, nanayunan dagiti pulis a naideploy kadagiti parapubliko a lugar kas kadagiti sementeryo, transport terminals, dagiti kangrunaan a kalsada ken dadduma pay a lugar.
Naibilin met kadagiti regional directors tapno i-adjust dagitoy ti panangideploy-da kadagiti personnel depende iti sitwasyon iti maysa a lugar.
Sigun iti Philippine National Police dumanon iti 50,253 a pulis ti naideploy para iti security kagiddan ti panagadu kadagiti travellers.
Malaksid iti dayta, naideploy metlaeng dagiti 16,592 a personnel manipud iti Armed Forces of the Philippines, Bureau of Fire Protection, ken iti Philippine Coast Guard pakairamanan dagiti 45,712 a barangay tanods ken volunteers.
Naiset-up metlaeng dagiti 5,015 a police assistance desks tapno maasistaran dagiti travelers.
