Nangiruar ti opisial nga statement ti Philippine Navy (PN) ita nga aldaw kasaruno ti report a nagtalinaed ti tallo pulo a Chinese maritime militia vessels a naimatangan iti Rozul Reef idi kalman.
Iti statement, rumbeng a saan nga agtalinaed iti nasao a paset ti baybay dagitoy gaputa paset daytoy iti exclusive economic zone ti Pilipinas.
Sigun kenni Philippine Navy spokesperson for the West Philippine Sea Commodore Roy Vincent Trinidad, saanda a masdaaw ti presensia dagiti barko ti Chinese iti Rozul reef wenno pagaamo metlaeng nga Iroquois Reef.
Kinuwestunar pay ti opisial ti panagtaeng dagitoy iti nasao a baybay.
Masarakan ti Rozul Reef iti abagatan ti Reed Bank no sadino maatap a naibelleng dagiti natay a corals.
Itay laeng nabiit, kinumpirmar ti Philippine Coast Guard (PCG) ti kaadda ti presenisa dagiti Chinese iti paset ti baybay a pagtataudan ti panagsusupiat.
Iti agdama, agtultuloy latta ti panagmonitor ti nasao nga ahensia iti exclusive economic zone ti Pilipinas.
