Naipaayan ti maysa a Philippine Navy sailor a napukawan iti maysa a ramay iti Wounded Personnel Medal.
Napukaw ti maysa a ramay daytoy bayat ti napasamak nga encounter iti China iti Ayungin Shoal.
Ni Seaman First Class Underwater Operator Jeffrey Facundo ket miembro ti elite Naval Special Operations Group (NAVSOG).
Personal nga impaay ni Armed Forces of Philippines Chief of Staff General Romeo Brawner Jr. ti nasao a medalya kenni Facundo, iti medical facility idiay Palawan.
Iti baet ti sugat daytoy, kinunana a nakasagana daytoy apaman a mare-deployed manen iti Ayungin Shoal.
Kabaytanna, kinuna ni security analyst Dr. Chester Cabalza a ti nasao nga insidente ket saan a maikonsiderar kas gyera agsipud ta aksidente laeng daytoy.
Impetteng pay ni Cabalza a nasken nga agsagana ti Pilipinas para iti posible nga aksyon ti China.//Rose
