Nangisayangkat ti Pilipinas ken Cambodia ti “high-level dialogue” wenno panagsarita iti panangikagumaanda a maibinglay dagiti kasayaatan a wagas kontra kadagiti rumrummuar nga aramid seknan iti human trafficking wenno panangilako kadagiti tattao.
Inlawlawag ni Palace Press Officer Undersecretary Claire Castro a sungbat daytoy iti direktiba ni President Ferdinand Marcos Jr. a mangpapigsa iti “regional cooperation” tapno masalakniban dagiti biktima ti human trafficking, malabanan dagiti suspek ken mapaingetan ti nagbeddengan ti dua a pagilian.
Ti high-level dialogue ket naisayangkat iti nagbaetan ti Inter-Agency Council Against Trafficking (IACAT) ti Pilipinas ken ti Department of Justice and the Cambodian National Committee for Counter Trafficking, Regional Dialogue and Knowledge Exchange.
