Impakaamo ti Department of Migrant Workers ita nga aldaw nga awan ti nadangran a Pilipino bayat ti nakaro a panaglayos ken panagreggaay ti pitak iti makindaya nga Indonesia iti napalabas a maysa a lawas.
Sigun iti nasao nga ahensia, awan ti naireport a naawatda manipod iti Philippine Embassy idiay Jakarta.
“The Philippine Embassy idiay Jakarta (PE-Jakarta) has yet to receive reports that overseas Filipino workers (OFWs) or Filipino nationals were harmed or injured,” kinuna ti Department of Migrant Workers.
Kinuna pay ti nasao a departamento a makikikoordinaren ti Migrant Workers Office (MWO-SG) iti Philippine Embassy idiay Jakarta (PE-Jakarta) tapno mamonitor ti sitwasyon sadiay.
Maibasar iti datos dagiti otoridad, dumanonen iti 43 ti pimmusay bayat a 15 ti mapukpukaw gapu paylaeng ti panaglayos ken “cold lava flow” manipod iti Marapi Volcano idiay Western Sumatra.
Sumagmamano nga oras kalpasan ti nakaro a pangbayakabak ti tudo, nangitunda daytoy ti panagayos ti “volcanic rocks” pababa iti maysa kadagiti aktibo a bulkan iti Indonesia iti dua a distrito iti Sumatra island idi rabii iti Sabado bayat a nalayos dagiti dalan, babbalay ken dagiti “mosque”.
