Naipasubli iti Pilipinas ti maysa a Pilipino a nakemmeg idiay Indonesia nga adda pakainaiganna iti multibillion-peso investment scam.
Nabigbig ti lalaki a ni Hector Pantollana ken nakadanon daytoy iti Ninoy Aquino International Airport idi kalman ti agsapa, sigun iti Philippine National Police – Criminal Investigation and Detection Group (PNP-CIDG).
Nakemmeg daytoy iti Gusti Ngurah Rai International Airport idiay Bali, Indonesia bayat a pinadasna nga agturong idiay Hongkong idi Nobiembre a neube.
Ni Pantollana ket naipaayan ti “red notice” babaen iti International Police.
Iti panagdissona iti Pilipinas, naipaayan daytoy a dagos ti sangapulo ket lima a warrant of arrest para iti nagduduma a reklamo nga estafa ken syndicated estafa.
Sigun kadagiti otoridad, nabiktima ni Pantollana ti ginasgasut nga “investors” pakairamanan dagiti overseas Filipino workers ken mabigbigbog a personalidad.
Nagkedked met a nagkomento ni Pantollana seknan iti kasona a naipila kontra kenkuana.
Kabayatanna, nagpakdaar manen ni Torre iti publiko kontra kadagiti baro a maidiadiaya ng investment nga agpampammarang a pudno wenno nasayaat.
