KENYA- Pimmusay dagiti innem nga indibidual bayat a nadangran dagiti uppat a pulo nga indibidual kalpasan ti napasamak a rinnupak dagiti agprotprotesta ken dagiti pulis idiay Nairobi, Kenya.
Maibasar iti report, nangisayangkat dagiti umili sadiay ti protesta tapno kontraenda ti maisingsingasing a pannakaingato ti buis.
Impilit dagiti nagprotesta nga umasideg iti parliament buildong ngem linapdan dagitoy dagiti pulis.
Gapu iti dayta, pinuuran dagiti protesters ti City Hall idiay Nairobi no sadino nangitunda daytoy iti pannakadangran dagiti uppat a pulo nga indibidual.
Malaksid iti Nairobi, sumagmamano met a protesta ti mapaspasamak iti dadduma pay a paset ti Kenya.
Kabayatanna, inlawlawag met ti gobierno idiay a napateg ti panagngato ti buis tapno makissayan ti utangda.
Maibasar iti singasing, maipakat ti 16 a porsiento a buis kadagiti tinapay ken 25 a porsiento a buis kadagiti met cooking oil.//Rose
