BAGUIO CITY – Mangnamnama pay laeng ti Pinagkaisang Samahan ng mga Tsuper at Operator Nationwide (PISTON) Baguio-Benguet Chapter a maitantan ti implementasyon ti public utility vehicle (PUV) modernization program ti gobyerno a naituding iti sumaruno a tawen.
Sigun kenni Lito Wayas, presidente ti PISTON – Baguio-Benguet Chapter, agapelada manen kenni Senate Committee on Public Services chairman Senator Grace Poe tapnu maikonsidera ti arungaingda iti nasao a programa.
Pinagyamananna met ti resolusyon nga impasa ti pinasa ng Baguio City Council a mangipekpeksa a saan a nakasagana ti siudad ti Baguio iti implementasyon ti jeepney modernization program.
Nailanad pay iti resolusyon dagiti nagduduma a rason iti daytoy kas iti kinangina dagiti baro a modelo ti jeep, ti manamnama nga ad-adda a panag-ilet ti trapiko, ti posibilidad a saan a makasang-at dagiti baro a jeep kadagiti nangangato a paset ti siudad ken dadduma pay.
Immuna iti daytoy, napili ti siudad ti Baguio kas maysa kadagiti tallo a pilot area a pakaimplementaran ti jeepney modernization program.
