Pimmusay ti pito nga indibidual sadiay Thailand kalpasan a natnag ti maysa a crane, maysa a machine kabayatan ti konstruksyon ti maysa a factory idi Biyernes.
Ti nasao nga aksidente ket napasamak sadiay Rayong province, iti oras ti alas kwatro ti malem.
Maibasar iti report, dagiti biktima ket dagiti factory workers no sadino manarimaan nga iar-aramidda ti metal chimney ti nasao a factory idi napasamak ti nasao nga insidente.
Nu pay kasta, kadawyan a mapaspasamak ti aksidente kadagiti konstruksyon sadiay Thailand gapu ta saan nga ipangpangruna dagiti business operators ti kinatalged dagiti agtaratrabaho ken ti panag-operate dagitoy nga uray awananda iti permits.
Maipalagip nga idi napalabas nga Enero ti agdama a tawen ket napasamak ti panagbettak iti maysa a factory sadiay Thailand a nakatayan ti dua pulo ket talo nga indibidual.
