Agpatpattaming ita dagiti pito a soldado ti Pilipinas a nadangran, gapu iti agresibo nga aramid ti China bayat ti panangisayangkat dagitoy iti resupply mission, sadiay Ayungin Shoal itay laeng nabiit.
Sigun iti report, kinompiskar ti Chinese Coast Guard dagiti paltog iti Philippine Navy, kalpasan a nagdinnungpar ti barko dagitoy a nangitunda iti panakaputod ti ramay ti maysa a kameng ti Naval Special Operations Group (NAVSOG).
Nupay kasta, nagkedked dagiti opisyales ti Armed Forces of the Philippines, Department of National Defense ken ti Philippine Coast Guard a mangpasingked iti nasao nga isyu.
Kabayatanna, inyunay-unay ni General Romeo Brawner, Chief of Staff ti Armed forces nga awan iti karbengan ti China Coast Guard a mangsinga kadagiti lehitimo nga operasion wenno mangdadael kadagiti sanikua ti Pilipians iti uneg ti Exclusive Economic Zone (EEZ) ti pagilian.
