--Ads--
BAGUIO CITY – Nakasaganan ti plano ti City Buildings and Architecture Office (CBAO) iti panakaipatakder ti City Hall Annex ti siudad ti Baguio inton sumaruno a tawen.
Sigun kenni Engr. Nazita Bañez, dadaulo ti CBAO, mangipalusposda iti P410-M a pondo para iti panakaipatakder ti nasao a pasdek.
Inlawlawagna a maakomodar ti maipatakder a City Hall Annex dagiti empleyado ti City Hall gapu iti panagngato ti bilang dagitoy.
Maibasar iti plano, maadaan iti walo a kadsaaran a pasdek nga addaan ti dua a basement.
Innayona a maipatakder ti City Hall Annex iti nakaipasdekan ti Baguio City Fire Station.
Naamuan a maiyakar ti Baguio City Fire Station. (report by Bombo Radyo Baguio volunteer Jeckryl Dulinen)
