Manarimaan ti pannakaisagana dagiti playing venues iti Benguet Sports Complex idiay La Trinidad, Benguet para iti umadanin a Cordillera Administrative Region Athletic Association (CARAA) Meet 2025.
Iti pannakiuman iti Bombo Radyo kenni Cesar Luma-ang, Provincial Sports-DepEd Benguet, kinunana a manarimaan ti panagtitinnulong dagiti shool heads kasta met dagiti kamaneros iti provincial capitol tapno maisagana amin dagiti playing venues.
Manarimaan metten ti pannakaileppas ti panakatarimaan dagiti sumagmamano a paset iti oval iti sports complex idiay kasta met dagiti water jump.
Nakasagana metten ti manpower nga agpintor kadagiti courts tapno ad-adda pay a pumintas dagitoy.
Iti agdama, adda paylaeng dagiti saan a naileppas iti Benguet Aquatic Center ken saan pay a mabalin nga aramaten dagiti swimmers iti Benguet.
Gapu iti dayta, manarimaan ti training dagiti swimmers idiay Tuba partikular iti maysa a resort idiay Asin kasta met nga agtraining dagiti swimmers iti swimming pool idiay Bineng, La Trinidad wenno iti Baguio City.
Nupay kasta, imbinglay ni Luma-ang nga adu dagiti amenities ti Benguet Aquatic Center ken naidumduma a kas iti world class aquatic center. //Bombo Marielle Apat
