--Ads--
BAGUIO CITY – Ingetan ti Police Regional Office Cordillera (PRO-Cor) ti panagbantayda kadagiti maipatpatungpal a PNP-AFP-COMELEC checkpoints iti nagduduma a paset ti rehion Cordillera.
Kasaruno daytoy ti pannakakemmeg dagiti nagduduma nga indibidual kadagiti checkpoints ti COMELEC sadiay Abra; Mt. Province; Mankayan, Benguet ken daddumapay a paset ti rehion.
Kaaduan a nakemmeg ti sumangsango iti kaso nga adda pakainaiganna iti iligal a droga ken iligal a panangibiyahe kadagiti napukan a kayo.
Sigun kenni PRO-Cor Regional Director Police Brigadier General Israel Ephraim Dickson, nasken nga agtultuloy ti panagwanawan dagitoy kadagiti nasao a checkpoints tapnu malapdan ti panagraira ti iligal a droga ken dagiti iligal a panagpukan ti kayo.
