Impakaamo ti National Police Commission (Napolcom) nga agtaltalianed ti takder ti Philippine National Police (PNP) nga “apolitical” kalpasan a naikkat ti dua a kameng ti pulis a naimatangan iti viral video kaduada ni Davao Representative Pulong Duterte.
Sigun kenni Napolcom Vice Chairperson ken Executive Officer Atty. Rafael Vicente Calinisan, kasapulan nga apolitical ti nasao nga ahensia ken agtalinaed a mangipatungpal ti linteg.
Inaramid ni Calinisan ti statement sumagmamano nga aldaw kalpasan a kinuna ti PNP nga ikkatenda dagiti dua a pulis nga agtatrabaho iti dua a gundaway kas security guard para kenni Duterte.
Immunan a kinuna ni PNP Police General Rommel Marbil a mangipilada ti dishonesty case kontra iti dua a pulis a posible a mangitunda iti perpetual disqualification.
