--Ads--
BAGUIO CITY-Pag-amamakan ni Mayor Benjamin Magalong ti posibilidad a nakastreken iti siyudad ti baguio ti P1 variant ti Covid-19 kasaruno ti panangsukimatda iti link analysis.
Gapu iti daytoy, inyunay-unayna manen iti publiko ti nainget a panagsurotda iti physical distancing ken panagsuot iti facemask ken faceshield.
Inwaragawagna a dagiti saan nga agaramat iti faceshield mangrugi inton marso 17 ket maikkan iti kaskenan a pannusa.
Inlawlawagna a dagiti laeng mailaksid iti daytoy nga ordinansa ket dagiti indibidual a manarimaan ti panag-ehersisyon dagitoy.
