Balligi a nalapdan dagiti otoridad ti posible nga school attack idiay Tolosa, Leyte idi June 25, 2026.
Sigun kenni Interior Secretary Jonvic Remulla, impakaammo ni Sen. Bam Aquino kenkuana nga adda ti chatter iti Tacloban nga agpampanggep a mangisayangkat iti sabali manen a mass shooting.
Gapu iti dayta, dagus nga inembistigaran dagiti otoridad ti social media post ti maysa a 14-anyos a Grade 10 student.
Iti social media ti nasao nga estudiante, nagpangta a mangisayangat iti mass shooting wenno panagbagsol iti Tolosa National High School.
Nupay kasta, dagus nga inikkat ti nasao nga estudiante ti impablaakna iti social media.
Sigun kadagiti otoridad, awan ti nakitada nga ebidensiya nga addaan ti paltog wenno organized plot ti nasao nga estudiante.
Naduktalan iti embestigasyon nga adda ti personal nga isyu daytoy kadagiti nagannakna.
Naipaima ti estudiante iti social welfare and development officers para iti debriefing ngem nawaya-wayaan metlaeng gaputa maysa daytoy a menor de edad.
Kabayatanna, ginuyugoy ni Remulla ti publiko nga umawag a dagus iti 911 no adda ti mamonitor a pangta iti seguridad.
