--Ads--
Naggiddan a nagpabakuna para iti maika-dua a booster shots kontra COVID-19 da President Ferdinand “Bongbong” Marcos Jr ken Ilocos Norte 1st District Rep. Sandro Marcos sadiay Manila.
Ni Department of Health Officer in-charge Maria Rosario Vergeire ti nangbakuna iti presidente bayat a ni Manila Mayor Dr. Honey Lacuna ti nangbakuna iti anak na.
Sigun kenni Marcos Jr., kasapulanen nga agpabooster shot dagiti umili gaputa agtultuloy ti pangta ti COVID-19 ken ti Omicron variant.
Inlawlawag ni President Marcos a tapno agbalin a fully immunized dagiti umili ket masapul nga agpabakuna iti booster shots.
