BAGUIO CITY – Nakasaganan ti Philippine Military Academy (PMA) iti panakipatungpal ti maika-117th commencement exercises wenno panagturpos ti Bagong Sibol sa Kinabukasan Mandirigma Hanggang Wakas- Bagsik Diwa Class of 2022 intun Domingo, May 15.
Iti interview ti Bombo Radyo Baguio kenni PLT. CHRISTINE MAE CALIMA, Spokesperon ti PMA, kinunana a mailukat iti publiko ti panagturpos ti 214 kadete ti Bagsik Diwa Class of 2022 ngem nainget ti pagalagadan dagitoy kas panagridam iti COVID-19.
Sigun kenkuana makiddaw ti RT-PCR test a naala iti uneg ti 72 hrs ken antigen test kadagiti amin a bisita, nagannak, media ken personnel ti PMA a makipaset iti graduation ceremony.
Inlawlawagna met a nasken a maingetan ti partisipasyon ti publiko iti nasao nga aktibidad nangruna iti kaunaan a gundaway a panagsubli ti face to face graduation iti PMA gapu iti agtultuloy a pandemya.
Dumanon iti 3 nga indibidual ti mapalubosan a bisita dagiti kadete iti uneg ti grandstand bayat a saan nga umawat ti akademya ti bisita ken turista iti nasao nga aldaw.
Kumpirmado met ti personal a panakipaset ni Presidenter Rodrido Duterte iti aktibidad kas Guest of Honor Speaker kasta met ni DND Secretary Delfin Lorenza bayat nga awan pay ti kumpirmasyon nu makipaset ni Vice Presidente Leni Robredo ken dadduma pay nga opisyal.
Karaman met kadagiti nakalinya nga aktibidad para iti graduating class ti naangay nga traditional ken ceremonial graduation parade ken final salute, changing of guards ken ring hop.
Naangay met ita awarding kadagiti graduating cadets ken outstanding companies dagitoy a nakagun-od ti nagduduma nga special awards kabayatan ti panagadal ken panagsanay dagitoy iti uneg ti PMA ken nagserbi kas Guest of Honor ken Speaker ni DND Secretary Lorenzana.
