Nangipaiyulogen ti Department of Trade and Industry iti Price Guide dagiti Noche Buena products idi napalabas a lawas.
Iti pannakiuman iti Bombo Radyo kenni Ralph Altiyen,dadaulo iti Consumer Protection Division iti Department of Trade and Industry iti Siudad iti Baguio ken Probinsia iti Benguet, kinuna na a naglalaok ti nagbaliwan dagiti presio iti agdama. Sigun kenkuana, 236 nga items wenno produkto dagiti karaman iti nailista iti price guide ita a tawen.
Iti nasao a bilang, 101 nga itemsti ngimmato iti presiona, 13 dagiti bimmaba, bayat a 121 dagiti nagtalinaed iti sigud a presio dagitoy.
Sigun kenni Altiyen, naipaayanen dagiti amin a monitored etablishements iti kopya iti price guide ken mabalin a makita iti website iti Department of Trade and Industry ken social media account dagiti nagdududma a provincial office iti trade and industry ti nasao a price guide.
Iti agdama, sumagmamano kadagiti establisimiento ti nangipatumpal iti panagbaliw iti presio, maibasar iti naipayulog a price guide bayat a sumagmamano nga establisimiento ti nagkiddaw iti pawayway.
Kabayatanna, awan ti manamnama a parikut iti suplay dagiti Noche Buena products agsipudta insaganan dagiti manufacturers daytoy sakbay ti panagdalapos dagiti bagyo iti pagilian.//Bombo mp4
