BAGUIO CITY| Ngimmato ti presyo dagiti mailaklako a manok partikular dagiti culls, b-culls, ken broiler gapu iti epekto ti bird flu idi napalabas a tawen.
Sigun kenni Hudson Coedno, maysa a negosyante, agarup lima piso tunggal kilo ti ngimmatoan ti presyo dagiti manok gapu iti kinakurang ti suplay.
Sigun pay kenkuana, 95% kadagiti lowland farms a mangsupsuplay iti Baguio City ket nagrikep idi napalabas a tawen gaputa naapektaran dagiti tarakenda iti bird flu.
Nupay nababa pailaeng ti demand, impetteng ni Coedno a manamnama latta a ngumato pay ti presyo ti manok.
Adtoy ti kaudian a presyo: B-culls: 125 / kilo Culls: 120 / kilo Broiler: 168 / kilo Kabayatanna, ngimmato metlaeng ti presyo ti maysa a tray ti itlog iti sangapulo a pesos gapu iti kinakurang ti suplay.
Manamnama pay a ngumato pay ti presyo gapu iti agtultuloy a panagbassit ti suplay iti Benguet ken iti low land areas. Adtoy ti kaudian a presyo ti itlog: Small: 235 / tray Medium: 245 / tray Large: 255 / tray XL : 270 / tray Jumbo: 280 / tray X-Jumbo : 290 / tray
Impaganetget met ni Coedno a mamindua dagitoy nga agsanitize iti makalawas tapno masalwadan ti salun-at dagiti lako a manok kontra iti bird flu.
