Agtultuloy ti nainget a panangisayangkat ti Abra Police Provincial Office kadagiti preventive measures kalpasan ti 2025 National ken local elections.
Iti panakiuman ti Bombo Radyo kenni Daniel Pel-ey, Public Information officer ti Abra Police Provincial Office, dagiti ipatpatungpal dagitoy ket ti mobile patrol, police visibility, Commission on Elections checkpoint a pakairamanan ti gunban ken daduma pay.
Sigun kenni Pel-ey, ti nainget a panangipatungpal dagitoy iti preventive measures dagitoy maipapan ti eleksyon ket agingga Hunyo 11, 2025, ti panagleppas ti election period.
Kinuna ni Pel-ey nga ti naangay nga eleksyon sadiay Abra ket generally peaceful iti laksid dagiti napasamak a shooting incidents.
Innayonna a kalpasan ti panakaiproklama dagiti nangabak ket nagbalin a kalmado ken normal ti nasao a probinsya.
Kabayatanna, ti nagbalin a kangrunaan a krimen a sangsangoen ti Abra Police Provincial Office kalpasan ti eleksyon ket ti vehicular traffic accident no sadino kinuna ni Pel-ey a dagiti kangrunaan a rason ket human error kas iti napartak a panagmaneho dagiti draybers ken gapu iti kinaadda iti impluwensiya ti arak.
